狗狗胰臟炎

胰臟炎對大家嚟講一定唔會陌生，想知道主子係咪中招？你一定要清楚起因同症狀，因為胰臟炎唔及時醫治，會致命㗎！胰臟係一個好重要嘅器官，主要嘅工作係提供有用嘅酵去消化食物同荷爾蒙（胰島素），而胰島素係控制好身體中嘅血糖。不論年紀、性別、品種都有機會患上胰臟炎，一般通常發生係狗仔身上。如果唔好彩的話，主子有以下胰臟炎嘅症狀，就要立刻去搵獸醫啦！我哋一齊去了解一下。

點解我隻狗中咗胰臟炎？其實真係可以冇特定原因，不過通常都係以下問題高脂食物體重過肥糖尿病(血糖高)

當你發覺狗仔有以下嘅症狀，立刻要帶佢睇醫生啦！作嘔嘔吐發燒倦怠肚屙腹部劇痛食慾不振胰臟發炎中，由於狗仔腹部出現劇痛，狗仔好可能做出扭曲睡眠嘅姿態，俗稱攣弓蝦米。

獸醫可以透過血液測試，而為狗仔確診胰臟炎。如果血液中嘅白血球含量和胰臟酵素過高，都可以被確診。而近年來，胰臟炎都有快速測試 (CPL test – Canine Pancreatitis Lipase test)都可以準確地確診。

當狗仔真係確診胰臟炎之後，都要視乎病情嘅嚴重性。如果病情係輕微嘅，醫生會舒緩腹部痛楚同止嘔。而嚴重嘅情況，通常都要留院，直至情況穩定先可以返屋企。處理胰臟炎要嘅，進食低脂嘅狗糧。由於胰臟炎，會有機會番發，所以主人一定要按醫生指示服用藥物同進食指定嘅糧食。

為主子飲食健康，千祈唔好餵飼人類嘅食物呀，正所謂病從口入，唔好要主子生病。